¿Que tal collacios?. Depues d'un tiempu sin comentar ná per aqui, toy que fiervo con la gulismia y la hipocresia qu'hay nesti pais. Cuando llega un paisanu que yel meyor nel so trabayu, que se dedica en cuerpu y alma a lo suyo y va dandose cuenta del chanchuyeo y como furrulen les coses per aqui, como nun-y lo lleva'l bazu va y denuncia toes estes coses que pasen, al facicu. Entos ya se arma la de dios, los panfleteros deportivos, tachenlu de chulu, prepotente, engreiu y dalguna llindeza más. Los acomplexaos d'esa rexón alli enriba al este d'España; hasta cuando les coses tan pintando-yos per bien, se preocupen en demasiao de lo que pasa pel Madrid, nun llego a talantar esi complexu d'inferioridá que tienen; otros que lu ponen como un trapu. Y depues tan los gulismones y lameculos, si home, xente como Preciado, Del Nido, Manzano, los del Valencia, to esta camarilla de palmeros del reximen. Yo faigome una entruga, ¿ que delitu cometio esti paisanu? acasu decir la verdá, esa que manca y tous piensen pero naide se atreve a decila. Pienso que lo que se ta perdiendo ye to tipu de valores, esto conviertese en una banda de mediocres, adulaores y falsos, prefieren a los que dicen lo politicamente correuto aunque piensen to lo contrario, con tal de que nun los etiqueten. Acabo con un dichu que nun se quien lu escribió pero tien más razón que un santu " Nun reconocer les virtues de lo demas ye la virtú de los probes d'espiritu, ye decir, de los gulismones".GRANDE MOURINHO, LLADREN LLUEU CABALGAMOS.
