ORIXEN DEL SEXU

Al facer Dios al home, el barro escurriose-i algo,

y de ahí esi piturrín que al probín quedo-i colgando,

echose el Siñor pa tras pa comprobar bien la obra,

y al dai la vuelta al muñecu, vió colgando aquella porra.

¡Madre mía! ¡Yo que fice!, pues nun lu puedo arreglar,

a nun ser que lu aproveche pa quei valga pa mexiar.

Porque, en principiu, el Siñor, si nun sei escapa la mano,

facialo desagüar por el mismísimo ano.

Y ya tenemos a Adán, equipau con faltriquera,

que el tiempo cambío-i el nome y hoy llamase collonera.
 

Al facer a la muyer, a la porra tuvo-i mieu

y antes de quei colgara, empujola con el deu.

Pero tanto presionó, mientras miraba pa un sapu,

que non quedó colgadiella.. pero fizoí otro furaco..

¡Por el Dios que lo fundó, que me volví a equivocar!

¡Fuí faceí otro furaco xunto al que tién pa cagar!
 

Pasó el tiempo, y en Setiembre vino lo de la manzana,

si nun toí mal informau fué un Lunes per la mañana, y aquí

empecipia la historia del asunto el "forniqueo".
 

Entamándolo Adán y Eva cuando diven de paseo:

- ¡Ay, Eva!, nun sé que tengo pero toí muy quisquillosu,

ta pa caer el Inviernu y.... ¿unde güardo yo esti cosu?..
 

Empicipien a pensar, y a Eva, muy campechana...

Dio-í la idea de apalpar y.. ¡echo-i mano a la campana!.

Más cosa sorprendente, cuando la cosa cogía,

aquella chisma saltaba y hasta paez que crecía.
 

- ¡Ay, Adán del alma!.. tal paez que ye un cetru,

yo toi pensando cariñu, que si arriba nun la ates

va pensar el mundu enteru que naciste con tres pates...
 

Pos si que tamos arreglaos, esto si que me preocupa,

la "cosa" estiró tantu, que nun faí falta la lupa, y

si anantes el güardala daba mucho que pensar, imagínate estí tochu, ¿Onde lo vas a güardar?.

De entre les manos se escapa, escúrrese y se entrisaya. Más ahora me acuerdo, ¡Por el mesmu Santo Tomás!, Diosín, cuando a ti te fizo... fízote un furaco de más. Bien podríamos aprovechalu, y a falta de pocu trapu, metete lo que pudiera, aprovechando el furaco.

Dichu y fechu; en sin pensar en un solu momentu, solucionose el problema de güardar el instrumentu. Dábayos tanto gustín, el güardalu xuntu al ano, que empezaron con el friu y güardáronlo hasta el verano. Y desde entonces pa ca y a pesar del gran progresu, nun topamos meyor sitiu pa seguir güardando "eso".

SALÚ PA TOUS

Aprovecho estes feches pa mandavos un menxase de paz y felicidá pal añu que vien. Felices navidaes y bon añu qu'entra, n'especial pa la xente del pozu carrio, muncha salú que ye lo importante.

COMENTARIOS

Hola collacios, yera hora de que la xente empencipiara a comentar lo que yo falo nesti blog. Daquien ponme a cayer d'un burro, otros apoyenme porque saben que nun digo ninguna mentira de lo que pasa nel pozu, otros llamenme mongol. Que quereis que vos faiga, a tol mundu nun y pues cayer bien, sobre too al departamentu "NUN SE SABE PA QUE TAN" del pozu, ca un que piense que departamentu ye, nu fai falta rompese munchu la testa. Buenu a lo que ibamos, lo importante ye que falen de un, pa bien o pa mal, porque nun hay peor cosa pa una persona que la indiferencia. Por eso prestame munchu que se comenten les coses, porque tol mundu nun pensamos igual. Eso si yo nun creo que faltei al respetu a naide, pero si daquien se siente ofendiu porque sea mentira lo que escribo y me lo demuestra, entos pidoi perdón. Asi que animaibos a facer comentarios, que ye bueno pa un dicir lo que piensa y quedar a gustu. Tamien quiero contestar daque comentariu, que yo tengu un capataz que ye el que me destina y sabe a la hora que entro, que salgo y lo que faigo. Asi que ca un lleve el su paquete y como diz un dichu conociu " VIVE Y DEJA VIVIR". Bueno cuquinos mirai que semeya per guapa vos pongo pa que tengais daque dicir, que la vida ye un carnaval.

4 x 4

Que tal tais cuquinos, depues d'un periodu llargu sin na que contabos, no por ná, ye que nel pozu Carrio agora tan les coses como una balsa aceite, na más que los mesmos problemas o engarradielles que da el trabayu. Esto to gracies a un inxenieru que sabe mandar y falar co la xente, unos capataces que son persones del siglu XXI, co les sos cojonaes, pero como cualquiera. Pero sobre to al nuevu santu patrón del pozu SAN VAZQUEZ y nun lo dixe yo, oyilo de otra xente, nun conozco a naide que fale mal de el, algun estriñiu dira que soy un peloteru, pero ye lo que hay. Esto vien a cuentu, agora que ta bien el pozu, hay daquien que escuezci qu'el artilleru te desempeñando otros trabayos que nun son el suyu propiu, pero nun se dan cuenta que ye un 4 x 4, defiendese en to los terrenos, munchos de estos calquinos nun puen dicir lo mesmo, ya que nun valen ni p' apurrir. Estos nun se acordaben d'un cuandu los artilleros tabemos rebaxando nel planu, barrenando na Temp o poniendu el fierru en 8ª Planta. A toos estos por nun deciyos daque fuerte, solo y-os digo que al que-i pique que se arrasque. Tamien decivos que hay que tener un pocu de sentiu del humor, que pa encima de dir a trabayar va un amargau, eso nun ye bueno pa la salú. Ah! una cosiquina más, munchos de esos lenguateros estreñios que lleven 4 días nel pozu, que echen una güeyaina a les categories que tienen y que se faigan una entruga. ¿ que yos les pusieron por trabayaores, por luchaores del sindicatu o por mamala suaviquino ?. Que uno pue ser un charran, pero diz verdaes como puños. Ya metios en materia, agora que toi trabayando nel botiquin, recetaria-yos unos laxantes pa quita-yos el estreñimientu y alegra-yos un poco el facicu.Olvidavame da-yos la enhorabuena a to los guajes que empecipien a trabayar nel pozu, que n'estos tiempos de crisis entrar a la Hunosa ye como que yos toco la lloteria, eso si con sentiu del humor sino enseguida se estriñen y amargense la vida. Buenu cuquinos, como diz un gran mentalista "to lo que tais leyendo equi, nun existe, ye produtu de la vostra imaxinación".

SEGURIDÁ

Ya tamos nel periodu vacacional y como to los años la empresa hunosa gasta una porreta de perres en na campaña de seguridá. Faime muncha gracia, porque por munches campañes que faigan, po lo menos lo que yo conozco, que ye el Pozu Carrio, ta tou pates arriba en materia de seguridá. Tienen a la xente trabayando en un plano que ye un fondu sacu de más de 600 metros, sin plan de evacuación ya que la xente tien que baxar y subir andando, como pa mancase ta la cosa, la ventilación aspirante solo tien una turbina ellectrica a unos 1000 metros más o menos, con un sistema de extración del agua modernu total, que consta de tres popolitos de vientu en vez de poner una bomba de extración ellectrica, asi ye que baxa pol planu un regueru d'agua que nun hay quien se tenga en pie, eso sí oh, punsieron un tele-mina y tovia nun ta operativu porque tienen que dalu de pasu y eso col branu pel medio a saber cuando sera. Les maquines del transporte tan feches una mierda y perdón pe la expresión, pero ye verdá caen los rodamientos, nun frenen, etc. Lo referente al Beco-via otra de les modernidaes del pozu, con un mandu a distancia que casi nunca furrula, teniendo que tar alguien siempre pa tirar en manual. Otra de las grandes modernidaes y seguridá a tope ye el basculaor de la tierra, ye manual, tien que el paisanin tirar per los vagones como un machin. Con una jaula que da igual que sea inviernu o branu ta pingando ya que per la caña el pozu ta to el día lloviendo y otres munches coses que nun me acuerdu o val más callales. Agora que eso sí, el eficiente departamentu de seguridá del pozu, con el inxenieru tenicu a la cabeza, ye feliz persiguiendo a la xente que trabaya pa intentar que les tarees salgan alante, nun digo que hay vegaes que faense coses mal, pero nun se faen a remente, sino pa beneficiar a la xente de otros relevos o pa que nun se pierdan les tarees, pero claru el llamar la atención da quien delante de otra xente, prestayos muncho. Tovia hay xente afin al antigu reximen que habia nel pozu y nun se dan cuenta que aquello ya paso a meyor vida. En fin, esto va a seguir así porque esta xente ya nun tien arreglu, ye lo de ellos, poner carteles, pintar los rescataores de verde fosforitu, tocar los coyones a la xente que tien que trabayar y nun se dan cuenta que la xente agora ya nun ye analbabeta y ca un sabe lo que tien que facer con respetu al so trabayu, y mientres tantu como tan per ocupaos en eses coses, nun tienen tiempu de echa-i una güeyaina al pozu y así ta, pates arriba.

CONTRATES

Que tal collacios, esti día tabemos falando nel chabolu del sindicato nel pozu Carrio, sobre unes coses y otres, en esto salio a colación cuantes empreses sucontrataes tien la empresa solu nel pozu Carrio y echando-i una güeya a les listes habia unes 16 aproximao, que si Carbomec, que si Satra, que a su vez tien sucontratao a Parraga, que si Imbulnes, que si Mei, que si mantenimientu de los compresores, etc. Unes tienen mas trabayaores que otres, pero al fin y al cabu lleven tol pozu. Y yo faigome una entruga, ¿ per cuantos millones de euros y salen a la empresa ?, per que claru los trabayaores d'estes contrates cobraran un sueldin pequeñu, pero cuantu-i chupa el empresariu a la Hunosa. Digu yo, que como dicen nel pozu tan faciendo inversiones millonaries por que esti pozu tien futuru, nun y-os traera más cuenta a esta pila xente sucontrata metelos como trabayaores de la empresa y toy por apostar que ganen perres, porque claru la xente va marchando, ca vega salen más trabayos y hay que contratar a otra empresa y otru fartón a sangrar a la Hunosa. Yo polo que me paez que esti tinglao ta manegau ente unos cuantos empresarios y como la Hunosa ye del estau hay que chupar d'ella tolo que se pueda. Sin dir más lexos nesti pozu ya echaron a un inxenieru y un capataz xefe, per que querien que les llabores de avance les llevaren la xente de la empresa y según se rumorea un xefón de una sucontrata tovia tenia más poder qu' ellos y mandaronlos pa otru pozu y les sucontrates quedaron nel pozu. Paezme que esto tien pocu arreglu, y lo peor ye que hay vegaes que a estos trabayaores tratenlos como besties en lo llaboral y en lo económico, y estos si lo podien arreglar ente los sindicatos y la empresa, exigiendo a estes contrates una serie de condiciones y derechos pa los sos trabayaores, que nun siempre van a ser to obligaciones.

YA TA BIEN, HOME

Que tal xente, ya toi hasta los güevos de los vascos y catalanes y la puta doble moral que tien esta xente, echando una gueya al partiu de la final de la Copa de S.M. EL REY, que por ciertu nun se que partiu de futbol yera, viendu la xentuza, les banderes y pancartes que habia allí. Hubo una falta de respetu y educación per grande, nun solo xiblando el himnu de to los españoles, sino tamien insultando y vexando to lo que yera español. y digu yo, ya ta bien de pasayos lo to a estos putos sinverguenzas, que si tantu estatutu, que si tanto nación llibre, tanta llingua. Que un pais como ESPAÑA tenga que depender de 300.000 votos de estos nacionalistes y que el gobiernu de la nación tenga que baxaxe los pantalones con estos borregos, que a los que respetamos y defendemos esti pais, bien seyamos asturianos, andaluces, extremeños, madrileños, castellanos, etc, llamenos facistes, haber si de una puta vez, dexamos de criticar a los americanos y a los britanicos, que estos puen ser del equipu que seyan o de la rexión que seya,  que cuando sona el so himnu o la so bandera van tous a una. por eso estos cafres lo que necesiten ye un poco de manu dura y nun day-os tantos caprichos, que vien se acuerden de ESPAÑA cuando tienen inundaciones, derrumbes u otra cosa mala piden ayuda a esti pais, pero a la hora de repartir con otres autonomies, monten la de dios y ponen el gritu nel cielu. Por eso la culpa de to esto tienenla los gobiernos de esti pais, sobre to el gran coyaciu d'ellos el Sr. Zapatero, si home el de los 4 millones de paraos, que de tanto cebayos a estos borregos agora ya se nos montaron na chepa y nun hay manera baxalos. Pese-y a quien pese-y, esto ye ESPAÑA y el que nun te agustu que se ponga. Tanta comunidá hestorica y tantu cuentu, más hestorica que la nuestra Asturies nun hay otra y como reza el dichu SER ESPAÑOL ES UN ORGULLO, SER ASTURIANU UN TITULO, con eso ta to dicho. Perdón por daque pallabra mal dicha, pero ye que esto quema a mariasantisima, perdón tamien a los vascos y catalanes que se sienten y defienden ESPAÑA pero ye que como son tan pocos nun se ven siquiera. PUXA ASTURIES Y VIVA ESPAÑA.

ACABOSE LA OSCURIDÁ

Que tal coyacios, nel Pozu Carrio ya tamos en democracia. Depues de pasar años na oscuridá de la ditadura que taba impuesta nel pozu co l'anterior jefatura, volvio la lluz. Ye verdá que n'esti mundu to tien arreglu y de la nuechi a la mañana la direción de la Empresa, no se si po los postreros acontecimientos nel pozu, con la xente pará ca dos por tres o vete a saber  el que, trasladaron  a los dos ditadores a otros puntos de la empresa. Esa xente de la que to-y falando yeren de l'antigua usanza, del ordeno y mando por que y-os salia de les sos partes nobles, por dicilo finamente. Xente que nun te daben ni una explicación del porque de les coses, nun podies falar de persona a persona porque creiense seres superiores, sobre to el Sr. Alberto. Nun voy acodame más d' esti porque me enveneno y nun quiero perder los estribos. Vamos en una pallabra xente que sin ser naide pones-yos una gorra platu y creense Capitanes xenerales.

 ¿Y agora que?, pues agora co la nueva xefatura que hay nel pozu, les coses cambiaron da fechu. Son xente que te fala de paisano a paisan@, saben tratar a la xente y ese repercute  en los trabayos, que se faen tanto o más que antes, atienden los problemas que pueda tener ca paisan@ y buscar la solución pa tener arreglu tol mundo. En definitiva, xente que vienen y saben tratar con persones y no con besties. Los que nos toco vivir de llenu la era de la oscuridá, sabemos de lo que to-y falando, lo malo ye que nosotros mesmos lo estropiemos al nun saber diferenciar entre jefes y obreros, y si nos dan el brazu queramos coyer el pie tamien, pero en fin viendo lo que pasamos con la inquisición nun creo que seamos tan tontos. Antes de terminar quisiera mandar un recuerdu a los afines al antiguo reximen que queden nel pozu, que ven como la xente trabaya muncho más y más a gustu sin tener que sacar el latigu. Probinos tan que rabien.

DENUNCIA

Que tal collacios, esta vegada quieru denunciar el llamentable estau de les istalaciones del pozu Carrio, ya lo dixe en otra ocasión, la casa de aseu, buenu más que eso paez un barracon de un campu de concentración, sin hixiene de ná, perches rotes, les taquilles podres, ratones, cucaraches,culebres y pa encima  a raiz d'estos últimos dies lloviendu, hasta'l agua pa duchase ye puru barru, semeyase al chocolate. Aparte les escaleres pa subir a la casa aseu d'arriba tan derrumbaes, les puertes de entrá rotes, ye dicir pa trancalo da fechu. Claru que el departamentu de seguridá del pozu que ye'l que lleva estos temas deben tar per ocupaos  en otros menesteres del so propiu interes, que tous n'el pozu sabemos, aunque eso nun ye disculpa ya que los que nos cambiamos y duchamos en eses cases de aseu tenemos to la culpa porque agora tragamos de to, ya que tenemos unos representantes n'el comite de seguridá que da la risa, el únicu en munchos años que siempre protestaba y denunciaba per el llamentable estau de estes yera VICENTE el artilleru, y facien poco casu agora que se prexubilo, en esi comite pasa tu dios de to, y asi nos pinta, va comenos la mierda cualquier día. Claru que güei lo que se lleva n'el pozu ye arrastrase y chupala a too meter pa trepar enseguidina. Siempre hubo enchufes y la xente ascendia de peldañu en peldañu, agora en cuatro dies na empresa pegen el gamiu definitivu y nun se ponen colloraos, tando en manes de quien tamos nun ye d'estrañar como me dixo el CAUDILLO en una ocasión " ye que son buenos mineros", tienen que selo porque en cuatro dies ya lo demuestren. Pa terminar si ye verdá el rumor que cuerri pel pozu, que va xente a facer los cursos de vixilante, allegrome de corazón por un d'ellos, nun digo el nome, porque el ya lo sabe, merezlo por too, antiguedad, compañerismu, por buena persona y como diz otru collaciu porque tuvo siempre al frente, de los demas pa mexar y nun echar gota. Yo nun digo mentires teneis unes semeyes hay enriba pa comparar les cases de aseu y les oficines nueves, que en esos si que invierten les perres.

AL SR. ALCALDE DE S.M.R.A.

Ilsmo. Sr. Alcalde:

      Quisiera facei una pregunta, ¿ onde puen xugar los güajes de Blimea ?.Güei a estu de las 18:30 hores, taba tomando daqué na Oficina (buenu llamamos así a la Casa del pueblu) cuandu la mio neña y otros amigos dicenme que un municipal reñolos y dixo que taba prohibio xugar al balón na zona esta de xunto a la Ilesia. Salí a falar con él pero ya marchaba nel coche. Unos dicen que fue la bibliotecaria la que llamó a los municipales, pamique a esta moza molestai hasta el ruiu de respirar, cuando resulta que mangen la Biblioteca ente dos chigres, el ya mencionau y el llar de los pensionistes. Resulta que toi pensando y nesti pueblu los güajes nun tienen un sitiu donde xugar, si van al parque molesten a los xubilaos que tan paseando, nel polideportivu nun puen porque a pesar de que ye del patronatu municipal paez privau, antes faciense actividaes asgaya, agora na más que ye pa el alquiler de la cancha pa lucrase, nel paseu desde que lu estropiaron con esos nichos que pusieron tampocu, entos ¿ en onde ?. Meyor y  fuera facer algo pa que los rapaces xuegen y que los municipales se dediquen a vixilar un poco más la inseguridá y el vandalismu que ultimamente hay nel conceyu y nun dedicase a reñer y a medrentar a los neños. Lo malo ye que los neños tendran que esperar a que se acerquen les próximes elleciones municipales  pa que y-os faigan o prometan algo.

                                                                                  

DOBLU RASERU

N'esti fin de semana, lleendo varies noticies causome muncha gracia el doblu raseru que me paez que tienen la xente que se diz d'izquierdas, que eso ta per velo, vamos los de sempre los del sindicatu de la cexa. Agora salen a la cai a defender el reximen que tien Cuba, con 50 años de ditadura, pero claru van contra el embargu de los americanos y son amigos de los israelis y hay que da-yos traya con el apoyu de los sindicatos mayoritarios. Depues sale el Sr. Llamazares pidiendo que la Radio Nacional d' España, pase a llamase Radio española, porque diz que lo de nacional suena a facha, cuando el aferrose a la poltrona de Esquierda xunia y nun marchaba ni a emburriones, sudaron tinta pa echalu, el que ye tan democraticu. Lluego leo que el 2008 fue el añu que menos huelges y reivindicaciones tuvo, y ya veis que añin pasamos con 13 ERE's (Expedientes de regulación d'empleu), más de 3 millones de paraos, los precios pe les nubes, en fin un desastre. Y pienso, onde tan los sindicatos que tienen tiempu pa Cuba, pa Israel, vamos pa salir na semeya, y nun tiene tiempu pa defender los intereses de los sos afiliaos, de la xente da pie, qu'en definitiva son los que-yos pagen y los mantienen en les sos poltrones sin dar palu al agua. Nun sera qu'el gobiernu los tien bien amancebaos, dando-yos más de lo que merecen, pero eso sí que nun metan ruiu, cuandu inclusu con Felipe Gonzalez salieron varies vegaes a la cai, inclusu con huelges xenerales, pero aquellos tovia yeren paisanos y lo d' agora ye puxiarra que nun se preocupen na más que d'ellos, eso sí, si dexes de pagar la cuota de afiliau, entos mesmo se precupen del porqué.  Ellos a lo suyo y el pais pates arriba, mientres a ellos nun los desbalsien. Y toi falando de los peces gordos, no de la xente de la base que ye la que verdaeramente tiren po los sindicatos.

CRISIS INTERNA

Nun acabo de entender que ye lo que pasa co'l sindicatu de Comisiones Obreres nel pozu Carrio. De fae un tiempo p'aca, la direción del pozu nun fae ningun casu a esta seción, la executiva xeneral del sindicatu en Hunosa tampoco, co'l beneficiu claru pa la otra seción sindical del pozu, ye decir, So-Mafia-uxt, que ta comanda po'l CAUDILLO, to el que me conozca sabe bien de quien toi falando,esti personaxe si que sabe arrimase bien a la empresa, to la vida lo fizo, sin importai llevar per delante a quien fuera, con tal de beneficiase él, eso sí sempre xurando, que el nun tenia poder nel so sindicatu. Ta demostrandolo agora, que dirixe el sindicatu con el ORDENO Y MANDO y allí ni dios se mueve, ta como pa movese llevando como lleven toes les categories buenes del pozu. Sin embargu na nuestra seción protestes por estes inxusticies y dicinte que eso ye otru sindicatu y que nos tenemos que mirar pel nuestru, agora esa mesma executiva munchos d'ellos de la vieya guardia na más que faen echar tierra enriba de la seción, protestando nel chabolu to el día, pero sin tener el coraxe de dexar la executiva si nun tas d'acuerdu con la direción de la seción. Yo pienso que munchos d'estos qu'ente comilles sempre fueron afines al sindicatu, unos ya consiguieron lo que querien y otros como ya lo ven muy negro pa conseguilo, van contra el liberau, van contra to aquel que te previstu pa promocionar a no ser del so grupin, van contra to lo que nun yos sea favorable. To esto la empresa y el otru sindicatu sabenlo per bien y tan aprovechando estes luches internes, con el grave perxuiciu pa toos los afiliaos del nuestru sindicatu. Munchos diran que ye per guapo criticar sin nomar a nadie, pero dareisme la razón que viendo la represión que hay nel pozu con esta Xefatura, que castigente a la mínima cualquier se mueve, eso sí to aquel que se sienta aludiu pue preguntame que yo nun acobardo y digo-i si va con él o no. Asina que haber si el nuestru sindicatu remamos toos na mesma direción y vamos contra quien tenemos que dir y non ente nosotros y pa eso abogo por una asamblea de afiliaos y ca un que diga lo que tenga que decir pero a la cara y arreglemos el tema.

LES RETONDES

Güei, lleendo nel periódicu un reportaxe preguntando si nos importa el patrimoniu de les ciudaes, con les machaes urbanistiques que se tan faciendo sin importar edificios y sitios emblematicos,vienme a la mio memoria les machaes que lleven faciendo nel mio pueblu, ye decir, en Blimea en treinta y picu años que llevamos de ditadura socialista nesti conceyu. en otros pueblos collindantes tan restaurando too lo que tien alguna hestoria, sea industrial o urbanistico, sin embargu en Blimea dexaron caer el castillu datau del siglu 13, a cambiu ponen en la plaza del Campu un escudu de Blimea fechu en piedra que nun ye ni el orixinal. Les escueles vieyes en vez de restaurales dexen-i solo la fachá y lo demas fainlo de chapa y bloque y pa encima dan-y un usu menor, ya que lo únicu importante ye la oficina del consumidor y ta ubicao en un par de despachos. No contentos con eso ponense a arreglar el paseo de Blimea, que buena falta facia, y van y calquen unos nichos pa semar en ellos arbustus y matorrales que mataron la mitá del paseo y na más que valen pa cagar los perros. Lo de les places d'arriba y de baxo ficieron bien en peatonizales, pero en vez de embaldosales, echaron-i arenón con pintura collorao y to embachao que cuandu llueve fai unos champanes barbaros y esa pintura ponse nidia y val pa llever una llomba y mancase. En la plaza del Campu arreglaronla y quitaron la fuente luminosa que nunca furruló y  punsieron un quiosco de la música, buenu, nun se sabe lo que ye.Lo último ye lo de les retondes, calcaron un par d'elles na recta Blimea nun se con que función, pa mi ye que tan de moda desde que Gabino el d'Uvieu empencipio a poneles, según la so versión ye pa la ordenación del traficu nel pueblu. Pues nestes lleven gastando una pila perres de la hostia y nun se sabe pa que, buenu si se sabe, pa que algún chupe del tetu y agora punsieron-yos unes faroles muy modernes, tamien pa que otru chupe del tetu y asina to siguio. Y digo yo que to lo que ta bien arreglao, bien fecho tá, agora to la pila perres que gasten nestes retondes, nos nichos del paseo, ecetera, nun  seria meyor invertilo, por exemplu, en potenciar la señal de televisión del repetior de Llai, qu'en Campu y la Venta nun hay manera coyer les canales de la tele decentemente, tamien facer una cancha pa que los neños xuegen qu'en tol pueblu nun hay donde enredar los guajes, facer acesos seguros pa pasar a los parques de la Isla y del Floran, y munches coses más que son necesaries. Y facia falta que lo ficieran antes de que acaben los fondos mineros, ya que llueu que nun haiga fondos nun arreglen más en 40 años. Asina que los conceyales del pueblu podien dexar de mirar pa'l partiu y defender un poco al so pueblu.

¿ QUE PASA CON CC.OO. DE HUNOSA ?

Como ya vos comente, ya sabiamos qu'el inxenieru del pozu Carrio ye bastante afín al SO-MAFIA-UXT y de fechu ta demostrandolo perbien. Agora lo que nun me coxe na testera ye la postura que mantien la direción del sindicatu CC.OO. con respeutu al pozu Carrio.  Cuando castigaron a 13 de los nuestros collacios, 11 de estos yeren de Comisiones Obreres, prestariame saber si fueran de so-mafia-uxt si esti castigu  se hubiera llevao a efetu. Pero vamos a lo nuestru, la direción de Comisiones obreres en Hunosa en vez de defender a los sos afiliaos, negocio co la empresa el castigu, lo cual  la executiva de Comisiones del pozu recrimino-yos, ellos contesten que ye el camín a seguir y que llueu diben a recurrir la sanción, paso el plazu y nun ficieron ná. Desde el pozu informase-yos que la xente del sindicatu ta siendo discriminá laboralmente con el tema de les categories, que hasta un ciegu lo ve, desde Uvieu contesten que nun ye pa tanto que son imaxinaciones nuestres. Pero lo más gordo ye que nun dexen a la seción del pozu facer ningún tipo de movilización, vamos que hay que tar quietinos como los guajes n' el colexu y sino castigaos, mientres el otru sindicatu campa a sus anches poniendo les categories que yos vien en gana con el beneplacitu del inxenieru. Y yo agora preguntome ¿ Qué contuberniu tien Comisiones Obreres con la empresa o qué amancebaminetu tienen pa obrar d' esta manera, con el perxuiciu de los sos afiliaos ?, ye como pa tira-yos el carné al facicu, pero como me dixo a mí un capataz xefe de la empresa, " en esta empresa si nun tas sindicalizau yes home al agua ", asina que tenemos que aguantanos hasta que los afiliaos del pozu tengamos el coraxe de planta-y cara a la executiva xeneral del sindicatu en Hunosa y mandalos a tomar per onde acaba la espalda d' una vez por toes a esa pandiella de viviores y vendios. Ascu de sindicatos.

¿ POR QUE SOMOS DEL MADRID ?

 Güei tuve viendo el partiu de futbol del Madrid y tengolo comprobao que los que somos merengues tenemos un cuajo especial p'aguantar lo que aguantamos de esa escoria de periodistes y comentaristes de pacotilla que tienen esa berborrea antimadrid total. Ye muy sinificativu que cuando les decisiones arbitrales favorecen al Madrid, ye el robu del siglu, ye un atracu, ye una verguenza nacional, ecetera, vamos ye un cataclismu, el acabose. Pero esa misma escoria cuando les decisiones arbitrales son contra el Madrid cambien el sentiu, el Madrid nun se pue quexar, el Madrid tien que ser un equipu señor y nun escudase ne'l arbitru, tien que xugar meyor y nun disculpase con les xugaes en contra ya que unes veces dante y otres quitente y así un llargu sinfin. Eso sí, los que tan per riba faen un futbol total, vamos son la de dios y esa mesma escoria de la que falamos llenense la boca ponderandolos, pero nun dicen ná cuando a estos los favorecen, entos dicen que nun xugaron perbien pero ganaron el partiu con munchu oficiu. Mirai que vos digo, pitai al Madrid ye per facil, ya que si piten en contra nun va a pasar ná y por eso esta temporá si nun me confundo ye el equipu más perxudicau del campeonatu, si non mirai toos los partios y llueu falamos. Por eso somos del Madrid porque tenemos más aguante que'l santu Job y tamos orgullosos del nuestru equipu, que a pesar de que lleva osties de tolos llaos, ye duru como el granitu y llevantase siempre, por eso ye la istitución deportiva y social más grande del mundu.  Quiero deci-yos a toa esa escoria de la que falamos que la envidia y el resentimientu son per malos y nun dexa vivir y n'esta vida hay que ser más oxetivos, asina que a jodese y aguantase, dichu coloquialmente, el Madrid fue, ye y será lo más grande del mundu. Esto ye deporte y unes vegaes ganase y otres pierdese y ye per guapo que tengase rivalidá ente los equipos, pero non por envidiosos y fracasaos hay que machacar siempre al mismu, que les temporaes duren 38 partios y nun se arreglen solo queriendo ganar al Madrid. Buenu pa to los merengones del mundo decivos que como recen los nuestros ultres somos SIEMPRE FIELES, digan lo que digan tous estos resentios y partidistas de los medios de comunicación.

HIPOCRITAS

Tamos a  vueltes otra vegada con el conflitu entre israelis y palestinos, otra vegada la xente manifiestase que si el xenocidiu palestino, que si Israel opresor que mata neños y xente civil, que si un un xugaor de futbol, eso sí comprometiu con el islam, pon una camiseta en favor de Palestina, esí ye un heroe y un solidario, prestariame si otru xugaor punsiera una camiseta en favor de Israel haber como lu ponien. Pero nun veo manifestase en contra de los terroristes de Hamas, que al fin y al cabu son los que empencipiaron a xorrascar en esti conflitu y estos si que usen a los guajes y les muyeres como escudos humanos y los echen a morrer por ala. En fin que ye lo de siempre, too lo arrimao al islam ye siempre lo meyor, sempre y cuando son los que nunca busquen salies a base de negociar democraticamente, sino con bombes y atentaos y siempre por la tremenda y nesti pais sabemos muy bien que ye eso con los atentaos de Madrid. Da que pensar que ye la comunidá que ente ellos tan tool día engardiendose y en guerres, pero cuando daquien nun yos da la razón xuntase tool Islam y armen la de dios. Yo pienso que la xente nun debe ser tan hipocrita, ya que lo facil ye metese sempre con los Estaos Unios e Israel, que tienen munches coses males pero ye que los musulmanes tamien tienen munches coses males y como nel casu de la eta nun veo a los del sindicatu de la CEJA  pone'l gritu en cielu como pa los otros. Por eso yo nun toy muy fechu nel conflitu israel-palestino pero paezme que ni unos tan malos ni otros unos santos. Eso sí estos del sindicatu esí de la cexa ponen a los americanos a caer d'un burro, pero llueu van a trabayar p'alla y a besalos n'el culo cuando yos dan daque premiu y nun se ponen ni coloraos.Da la risa lo falsos que son. En fin haber si esti añu nuevu too tien arreglu y acabase con esta llocura de mundu y que toa la xente pueda vivir en paz.