EL ÚLTIMU MINERU

FELICES FIESTES Y PROSPERU AÑU 2011

THERMOMIX

Hola collacios, acabose el branu y con el vuelve la normalidá al trabayu, buenu lo que se diz normalidá no muncho, entró la seronda con cuatro díis de huelga xeneral na mineria, gracies a los imcumplimientos de un gobiernu sociolisto y unos fulanos que nun-yos pagen a los sos mineros, pero d'esto ya falaremos na otra ocasión. Dicia lo de la normalidá porque agora a los mineros de pozu Carrio llamemnos los Thermomix, porque facemos de too, da igual la categoria que tengas. En cierta ocasión el capataz xefe del pozu dixiome a mí que yo tenia la testa muy cuadrá, que yo tovia toy na mineria antigua y agora la mineria moderna ye de otra forma, hay que ser mineros multifuncionales, quier decir facer de too y nun saber de ná y vixilantes tipo "contrata", vixilantes sí pero que tamien trabayen. Esto pa la empresa ye una güaña, ca vez somos menos y faense los mismos trabayos. Voy poner de exemplu al mio coletivu, güei en día semos cinco paisanos n' artilleria, hay una categoria d' artilleru, tres especialistes y un barrenista. ¡ hostia, perdón ! y un ayudante artilleru que nun exerce, ta lliberau. Esto quier dicir, que en temporaes donde hay poques llabores pa disparar, faense otros trabayos donde nun se puen negar por la so categoria. La empresa ye muy llista y con la complaciencia de los sindicatos, más tovia, estos van dexar desaparecer estes categories que a la empresa nun-i convienen.. Yo propondria pa toa la mineria moderna dos categories, ó yes MECANICU ó THERMOMIX, ni artilleros, ni barrenistes, ni picaores, ni especialistes, ni comporteros, ni mineros de primera, ni ná de ná. Así tous con la mesma categoria pa atender a los guiris y dexámonos de enfadamos y reñer unos con otros. Tamien aforrabamos en vaselina y felaciones ¿ oh no ?.

LA PANTERA ROSA

Bonu cuquinos, ya tamos en branu, tiempu de fiestes, romeries, de dir al sableru a pegase un bañin y tiempu de vacaciones. Pel pozu les coses tan aposentaes esta temporá, daque coses cambiaron, como el inxenieru, les nueses enfermeres Pili y Cristina cambiaron de pozu, ya solu nos queda Isabel de la vieya guardia. Aunque lo más nomao fue el robu del sieglu na lampisteria. Esu fue como el misteriu de la Pantera Rosa, el fulanu que lu llevó a cabu tien la sangre más fria que el xielu. Fue un robu de guante blancu, supuestamente entró na lampisteria, fue al armariu de les llaves, coxió la llave del otru armario onde taba el caxón de les perres y despesllolu, coxio el caxón y pesyó el armariu y dexó la llave onde taba, llueu torno aposentau del tou, pues nun lu vio ni Dios, a lo meyor yera el home invisible. Al pocu calleron na cuenta del robu y revolvieron Roma con Santiagu, ente unos y otros de los que trabayaben esi sabadu, pero nun dieron col fulanu. A mí solo se me ocurre una solución, que llamen al tal GRISON, el finu esi de C.S.I., nun falla una. Bonu tomamoslo con un pocu de humor, pero la cosa tien su miga, ya que nun ye la primera vegá que roben, na casa d'aseu  ya robaron varies vegaes y equi tol mundu vien a trabayar por un sueldu y no pa palmar dineru. en fin, esperemos que la xente que lo fae recapacite y sino al que pillen, a la puta calle.
Pasen los diis y col mes de Xunetu, aporta la modernidá al pozu con les llampares nueves, son unes llampares que nun lleven cable ni petaca nel cintu, la bateria llevenla incorporá. Esta llampara non allumbra como les otres, la lluz ye blanca y allumbra munchu pal frente, peru pa los astiales nun abre na, depues ta el barbuquexu esi que tenemos que poner pa qu'el cascu nun te caiga, con esi ramal paecemos policias militares. Home to esto supongu que ye hasta que nos acostumbremos como nos pasó con les friamberes (autorescataores). Esto ye lo que hay, agora tamos col Mundial y esti añu la cosa paez que pinta bien, haber si ganamos el Mundial por primera vegá na historia.

FABULA

Que tal cuquinos?. Prestariame que echareis una güeya a esta fábula, haber que vos paez.

" Un cuervo robó a unos pastores un pedazo de carne y se retiró a un árbol.
Lo vio una zorra, y deseando apoderarse de aquella carne empezó a halagar al cuervo, elogiando sus elegantes proporciones y su gran belleza, agregando además que no había encontrado a nadie mejor dotado que él para ser el rey de las aves,con tanta personalidad y buen hacer, pero que lo afectaba el hecho de que no tuviera voz.
El cuervo, para demostrarle a la zorra que no le faltaba la voz, soltó la carne para lanzar con orgullo fuertes gritos.
La zorra, sin perder tiempo, rápidamente cogió la carne y le dijo:
-- Amigo cuervo, si además de vanidad tuvieras entendimiento, nada más te faltaría realmente para ser el rey de las aves. Moraleja:

Cuando te adulen, es cuando con más razón debes cuidar de tí."


Nun vos paez que así actua el Capataz Jefe del pozu. Que naide piense que primeru besolu en culo y agóra echo  de él, no nun ye eso, pa mí sigue siendo SAN VAZQUEZ, una gran persona, pero lo que ye, ye y puntu, hay que decilo, gustai muncho pasate la mano pel llumbu como a los perrucos hasta que te camela pa que-i saques les castañes del fuevu y llueu al mínimu inconveniente pasa de tí, eso sí muy diplomaticamente, ye tipu ADOLFO SUAREZ, "puedo prometer y prometo, hasta que te la....". Y nun digo ninguna mentira, ya que tantu él y daque persones más saben que ye verdá. Yo falo nel tema de l'Artilleria,  se daque casu más pero esos nun me competen a mí falar d'ellos.

BINGO CARRIO

Ya tamos equi otru añu, collacios. Lo primeru antes d'entrar en fariña, ye dai la enhorabuena a SAN VAZQUEZ pol ascensu a Capataz Jefe del pozu. Yera hora que punsieran a un de los buenos, nun van mandar siempre los Inquisiores. Tamien pido-i disculpes a el y a los sos acompañantes, el ya sabe porque, pero ye que un calientase per rapidu y depues pagalo el que nun debe. Daque día falaremos solo d'esti Santu patrón.
Vamos al asuntu, el pozu Carrio agora semeyase a un bingu n'el tema de les categories ya que cualquiera mete mano na fardela y segun  la bolita que salga, tocate tal o cual categoria, home daque casu el sorteu debe ser con boles calientes, porque hailos que en cuatro diis nun se pue llegar mas lejos. Yo toi d'acuerdu que tol mundo tien drechu a una categoria, pero nun se puede ser un romanticu contemplativu too la vida y llueu querer marchar prexubilau de Mariscal de Campu o a la inversa sin pasar po la escuela y la universidá ser maestru de frente, pero buenu esto ta montao asi y a un ya nun pillai na de sustu. Tamien quieru dal mi apoyu a les muyeres del pozu, yo que fui un de los que dixe que les muyeres metienles pa cerrar la empresa, agora soy feminista, viendose lo que  se ve, porque elles nun pueden sacar tamien una bola y haber que categoria yos toca. Ya que los sindicatos les meten en les listes de delegaos pa cumplir el cupo, como son unos sindicatos plurales nun los pueden tachar de discriminación laboral, pero a la hora de dar les categories ya nun son tan plurales y eso que munches d'elles lleven na empresa muncho más que la mayoria de los ascendios. Van decime que munches ya tienen daque categoria, pero yo nun falo de eses categories que nun quier naide, falo de les que tan meties na fardela del sorteu y tol mundu sabe cuales son. Quien sabe a lo meyor el pozu furrulaba meyor, tampoco seria muy dificil. Buenu nun me enrollo más, esti añu hay elleciones sindicales, asi que vamos tener muncho de que falar, va tar per entreteniu, sobre too si se cumple lo que munchos deseamos.