ACABASE EL AÑU

N'estes feches la xente fae balance del añu que ta acabando. Por lo xeneral fue un bon añu, quitando que ganaron les elecciones xenerales el partiu de los más ladrones y especulaores, na más qu' hay que acordase de toos los mandatos que tuvieron y como dexaron esti pais. Agora vuelve la burra' l trigo, sino mirar como acaba esti añu, con una tasa de desempleu per les nubes, subiendo toos los precios, la lluz, la gasolina, el pagu de les hipoteques que nun hay cuerpu que lo resista y pa encima esti gobiernu dayos les perres a los bancos pa que nun quiebren, en vez de ayudar a les families, pero claru toos aquellos que tan alredeor del partiu o del sindicatu hermanu, llamase SOMA-UGT, y tan chupando del bote pa esos nun hay crisis, lluegu van de progres y de izquierdas. En fin, tamien ye el añu de los perros, nunca en mio vida vi tantes cagaes de perru per les aceres y eso que hay que tener respetu y andar co la bolsina plásticu pa coyer les cagaes del perru, pero paezme que nun fae casu ni dios. Lo meyor ye que los municipales al que pillaran sin coyer la cagá, ni multes ni leches, tenien que obligalu a llambelo ya veras como pa la próxima vez respetaba al restu de la xente. Tamien deben tar de moda los retretes de los chigres y dame que pensar el porqué, nunca vi tanta xente xóven y no tan xóven padecer de la próstata o nun ye eso, igual ye que tienen alerxia al fumo del tabacu n'el chigre y salen tous del escusaú surniando y co los güeyos llagrimaos, cosa rara ye. Buenu ca un que faiga co'l so cuerpu lo que-y de la gana, pero respetando a la xente y sobre too a los neños. En fin, esti añu ganemos la Eurocopa depues de 44 años, ficimos unes buenes olimpiaes, el Madrid ganó la lliga, en ciclismu ganemoslo to, n'el tenis tamién, la salú respetonos, que al fin y al cabu ye lo más importante de to, un añu menos pa prexubilame, tengo unes ganes barbares pero no p'el trabayu, sino per la pila cacia y chupap.... que tenemos en pozu y dame ascu de lo baxo que pue caer esa xente. Nun me enrollo más, que tengais bon añu 2009 to la xente de bien y los mios collacios y toos aquellos que nun me puen ver, que los hay, nun y-os deseo ná malo, solo y-os deseo lo mismo qu´ellos pa mí.